ئه‌گه‌ری ئیعدام کردنی کوردێک له‌ ماوه‌ی 48کاتژمێری داهاتوودا.

کوردستان میدیا: به‌ پێ راپۆرتی کۆمیته‌ی خوێندکاری به‌رگری له‌ زیندانیه‌ سیاسیه‌کان، دادگای شۆرشی شاری ورمێ له‌ دوایین دانیشتنی خۆیدا سه‌باره‌ت به‌و تۆمه‌تانه‌ی که‌دراونه‌ته‌ پال "حسین فروهیده‌" له‌ چالاکانی سیاسی کورد حۆکمی ئیعدامی ناوبراوی په‌سه‌ند کردووه‌.
هه‌ر ئه‌و راپۆرته‌ ئاشکرای کرد که‌ "حسین فروهیده‌" 4مانگ پێش له‌ لایه‌ن ده‌زگای ئیتلاعاتی رژیمه‌وه‌ گیراوه‌ و له‌و ماوه‌یه‌دا له‌ ژێر ئه‌شکه‌نجه‌دا بووه‌.
'حسین فروهیده‌" تاوانبار کراوه‌ به‌ هاوکاری هێزه‌ کوردیه‌کانی دژ‌به‌ری کۆماری ئیسلامی .
هه‌روه‌ها راپۆرته‌که‌ ئاماژه‌ به‌وه‌دکاا که‌ رۆژی پێنج‌شه‌ممه‌ دایکی "حسین"یان بانگهێشتی ئیداره‌ی ئیتلاعات کردووه‌ و دوابه‌دوای ئه‌وه‌ که‌ ئیزنی دایکیان داوه‌ چاوی به‌ کوڕه‌که‌ی بکه‌وێت، پێیان راگه‌یاندووه‌ که‌ کوڕه‌که‌ی مه‌حکوم کراوه‌ به‌ ئیعدام و له‌ ماوه‌ی 48کاتژمێری داهاتوودا ئیعدامی ده‌که‌ن.

..................
سنه‌: گیرانی دوو کرێکاری کورد له‌ لایه‌ن ئیتلاعاته‌وه‌.

ناوه‌ندی خه‌به‌ری حدکا، 24،12،85: بێکاری و رۆژ به‌ رۆژ گران بوونی پێویستیه‌کانی ژیان له‌ کوردستانی بن ده‌ستی ئێراندا له‌ماوه‌ی هاتنه‌ سه‌ر کاری رژیمی ئاخوندی هه‌مووکات هۆکارگه‌لێک بوگن بۆ، روو له‌ شاره‌ گه‌وره‌کانی ئێران کردنی کرێکارانی کورد به‌ مه‌به‌ستی دۆزینه‌وه‌ی کار و دابین کردنی لانیکه‌می پێداویستیه‌کانی ژیانی خۆیان و بنه‌ماله‌که‌یان.
له‌م سالانه‌ی دوایدا و دوابه‌دوای بوژانه‌وه‌ی کوردستانی باشور له‌ باری ئابوریه‌وه‌ ئه‌و به‌شه‌ له‌ کوردستان بووه‌ته‌ مه‌نزلگه‌ی کار و پژیوی په‌یداکردنی به‌شێک له‌ کرێکارانی کوردستانی ئه‌ودیو.
"محمد مرادی" و "محمدکریم زارعی" دوو له‌و کرێکارانه‌ن که‌ بۆ په‌یدا کردنی کار رویان له‌ کوردستانی گه‌رمێن کردووه‌ و ماوه‌یک له‌وێدا به‌ کرێکاریان کردووه‌. به‌لام به‌ پێ ئه‌و زانیاریانه‌ که‌ له‌ شاری سنه‌وه‌ گه‌یشتون له‌ گه‌رانه‌وه‌یاندا له‌ لایه‌ن ده‌زگای ئیتلاعاتی رژیمی ئه‌و شاره‌وه‌ ده‌سبه‌سه‌ر ده‌کرێن، و ئه‌وه‌ بۆ ماوه‌ی زیاتر له‌ مانگێکه‌ له‌ زیندانه‌کانی ئیتلاعاتی شاری سنه‌دا له‌ ژێر ئازار و ئه‌شکه‌نجه‌دان.
"محمد مردای" ماوه‌ی 27 رۆژ و "محمدکریم زارعی" ماوه‌ی 37 رۆژه‌ له‌ به‌ندیخانه‌دان ، ئه‌مه‌ سه‌ره‌رای ئه‌وه‌ که‌ که‌س‌وکاری ئه‌و دوو به‌ندکراوه‌ چه‌ندین جار له‌و ماوه‌یه‌دا له‌ دادگۆسته‌ری سنه‌ قه‌راری ئازادی ئه‌وانیان وه‌رگرتووه‌ و ته‌حویلی ئیتلاعتیان داوه‌ به‌لام هێشتاکه‌ ئیتلاعات ئازادی نه‌کردوون و ته‌نانه‌ت تاکو ئێستاش هیچ چه‌شنه‌ زانیاریکی به‌ بنه‌ماله‌کانیان نه‌داوه‌ته‌وه‌ سه‌باره‌ت به‌ چاره‌نوسی ئه‌و دوو کرێکاره‌ گیراوه‌.

...............
بێ سه‌روشوێن بوونی ئه‌فسه‌رێکی ئێرانی له‌ ئێراق

تلڤزیونی العربیه‌ : له‌ هه‌والێکی کۆرتدا تلڤزیونی العربیه‌ له‌ زاری به‌رپرسێکی سپای قۆدسه‌وه‌ که‌ نه‌یویستوه‌ ناوی ئاشکرا بێت رایگه‌یاند، که‌ یه‌کێک له‌ کادێره‌ نیزامیه‌کانی سه‌ر به‌ سۆپاکه‌یان"سپاه قدس" که‌ له‌ ئێراقدا خه‌ریکی به‌رێوه‌ بردنی ئه‌رکه‌کانی بووه‌، ماوه‌ی نزیک به‌ مانگێکه‌ که‌ هێلی په‌یوه‌ندیه‌کانی له‌گه‌ل ناوه‌ندی ئه‌و سۆپایه‌دا بردراون و ناوه‌ندی سۆپای قۆدس هیج ئاگاداری چاره‌نوسی ئه‌و نیه‌ دوای پچرانی په‌یوه‌ندیه‌کانی له‌ گه‌لیان. هه‌روه‌ها ئه‌م کاناله‌ ئامژه‌ی به‌وه‌دا که‌ ئه‌و که‌سه‌ی که‌ دیارنیه‌ ناوی"محمد محسن شیرازی"ه‌ و پله‌ی سه‌رهه‌نگی هه‌بووه‌ له‌ سۆپای قۆدسدا.

..........
رێککه‌وتنی 1+5 له‌ سه‌ر خاله‌ پێشنیارکراوه‌کان سه‌باره‌ت

به‌ توندتر کردنی گه‌ماروه‌کانی سه‌ر ئێران

15.03.2007، نوێنه‌رانی ئه‌و شێش وه‌لاته‌ی که‌ به‌رپرسن له‌ پێ‌راگه‌یشتن به‌ پرسی په‌روه‌نده‌ی ناوکی حکومه‌ت تاران، له‌ کۆبوونه‌وه‌ی ئه‌ورۆکه‌ی خۆیاندا له‌ سه‌ر توندکردنی گه‌ماروه‌کانی سه‌ر ئێران به‌ رێککه‌وتن گه‌یشن.
به‌ گوێره‌ی هه‌والێک که‌ "ئاژانسی هه‌والنێری ئاسۆشێتێدپرێس " بلاوی کرده‌وه‌" ئه‌ندامانی تیمی 5+1 له‌ سه‌ر قه‌ده‌غه‌ کردنی ناردنی چه‌ک بۆ ئێران، و بستنی حیسابی بانکی که‌سایه‌تیه‌ ئێرانیه‌کان و شیرکه‌ته‌ ئێرانیه‌کانی په‌یوه‌ندیدار به‌ پرۆژه‌ی ناوکیه‌وه‌ گه‌یشتنه‌ بریاری کۆتایی‏)
ئه‌و خالانه‌ی که‌ رێکه‌وتنیان له‌سه‌ر کراوه‌ سبه‌ی ته‌حویلی نوێنه‌رایه‌تی ئه‌ندامانی کاتی شورای ئه‌منیه‌ت ئه‌درێن که‌ له‌ کۆبوونه‌وه‌کاندا به‌شدار نه‌بوون.
"ئه‌میر جۆنز" که‌ بۆ راگه‌یه‌نه‌ گشتیه‌کان ئه‌دوا وتی: ئێمه‌ رێککه‌وتین و به‌م زوانه‌یش ئه‌و خالانه‌ی که‌وا له‌سه‌ری ساق بوینه‌ته‌وه‌ راده‌گه‌ینین.
زۆرێک له‌ به‌شدار بوانی ئه‌و دانیشتنه‌ هیوایان خواست که‌ حکومه‌تی تاران که‌وێته‌ ژێر کاریگه‌ری ئه‌م بریاره‌ تازانه‌ و واز له‌و سیاسه‌ته‌ هه‌له‌یه‌ بهێنێت که‌ تاکو ئێستا په‌یره‌وی کردووه‌.
.............

ته‌ها یاسین ره‌مه‌زانیش به‌ تاوانی کۆشتنی 140 شێعه‌که‌ی دۆجه‌یل له‌ په‌ت ده‌درێ

ئه‌ورۆ پێنج‌شه‌ممه‌ 15،03،2007، ورته‌بێژی دادگای پێداچونه‌وه‌ی حکومه‌تی به‌غدا رایگه‌یاند که‌ دادگای پێداچونه‌وه‌ حۆکمه‌که‌ی دادوه‌ره‌کانی ده‌وری پێشوی دادگایکردنه‌که‌یان دیسان په‌سه‌ند کردووه‌ته‌وه‌.
دوابه‌دوای راگه‌یاندنی په‌سه‌ندکرانه‌وه‌ی سزای ئیعدام بۆ ته‌ها یاسین ره‌مه‌زان که‌ یه‌کێک بوو له‌ تاوانبارانی کۆشتاری دۆجه‌یل، که‌ له‌ گه‌ل سه‌دام‌دا دادگای کرا چاوه‌روان ده‌کرێت که‌ به‌م زوانه‌ ئه‌و حوکمه‌ له‌لایه‌ن ده‌زگا په‌یوه‌ندیداره‌کانه‌وه‌ "ته‌نفیز"بکرێت.

|+| نوشته شده توسط رێباز کوردستانی در و ساعت   

درباره‌ی گفتگوی دبیرکل حزب با روزنامه‌ی "لوموند"

کۆرته‌ میژووی هه‌شتی مارس رۆژی جیهانی ژن  هه‌موو سالێک ژنان له‌ سه‌رانسه‌ری جیهان ده‌چنه‌ پێرایی هه‌شتی مارسه‌وه‌. هه‌موو خۆئاماده‌ده‌که‌ن تاکو قایمتر له‌ پێشو، داوای ماڤه‌ زه‌وتکراوه‌کانیان بکه‌ن. به‌دلێکی پره‌ هیوا به‌ داهاتووه‌وه‌ دێنه‌ گۆره‌پانی تێکۆشینه‌وه‌، ئه‌زمونه‌کانیان له‌  ساله‌خاباته‌کانی پێشودا ده‌که‌نه‌ هه‌وێنی زیاتر یه‌کگرتن و پێکه‌وه‌ بوونیان بۆ سه‌لماندنی ته‌واناکانیان. ئاماده‌کردنی:دلشاد جه‌مشیدی هه‌موو سالێک ژنان له‌ سه‌رانسه‌ری جیهان ده‌چنه‌ پێرایی هه‌شتی مارسه‌وه‌. هه‌موو خۆئاماده‌ده‌که‌ن تاکو قایمتر له‌ پێشو، داوای ماڤه‌ زه‌وتکراوه‌کانیان بکه‌ن. به‌دلێکی پره‌ هیوا به‌ داهاتووه‌وه‌ دێنه‌ گۆره‌پانی تێکۆشینه‌وه‌، ئه‌زمونه‌کانیان له‌  ساله‌خاباته‌کانی پێشودا ده‌که‌نه‌ هه‌وێنی زیاتر یه‌کگرتن و پێکه‌وه‌ بوونیان بۆ سه‌لماندنی ته‌واناکانیان. هه‌شتی مارس رۆژی جیهانی ژن و رۆژی به‌رجه‌ستکردنی نابه‌رانبه‌ریه‌کانی سه‌ر ته‌وێلی دیرۆکی مرۆڤایه‌تیه‌ له‌ نوێنگه‌ی ویسته‌کانی ژنانه‌وه‌.  هه‌شتی مارس له‌ سالدا چه‌ندین رۆژ بوونه‌ته‌ ئاماژه‌ بۆ نه‌مر راگرتنی پیرۆزه‌ خه‌ونه‌کان و نه‌مره‌ هه‌وله‌کانی تێکۆشان و قۆربانیدانی مرۆڤایه‌تی بۆ ده‌سته‌به‌ر کردنی ژیانێکی ئه‌هوه‌نتر و ئاسوده‌تر. ئه‌م رۆژه‌ جیهانیانه‌ هه‌لگری په‌یامی نه‌سره‌وتنی مرۆڤایه‌تین بۆ پێکه‌وه‌ نانی باشترینه‌کان و جوانترینه‌کان. تا مرۆڤ هه‌بێت هه‌ولدان بۆ گه‌یشتنه‌ لوتکه‌کانی خه‌یلی پێ ده‌وترێت خه‌بات، تا ژن هه‌بێت هه‌شتی مارس وه‌ته‌نی ئاواره‌یی بوونی حاشا لێکراوی ده‌بێت و نیشتیمانی بانگه‌وازی ده‌بێت بۆ ماڤه‌کانی.   هه‌شتی مارس میژووی هه‌شتی مارس ده‌گه‌رێته‌وه‌ بۆ ساله‌کانی سه‌ده‌ی نوزده‌هه‌می زایینی. له‌ هه‌شتی مارسی سالی 1857 ژنه‌ کرێکاره‌کانی کارخانه‌کانی قۆماش له‌ ئامریکادا ده‌ستیان دایه‌ خه‌بات و چالاکی نواندن. ناله‌باره‌ بارودۆخی ژین و کار، حه‌قده‌ستی که‌م و ئه‌رکی به‌خێو کردنی زارۆکان و سه‌ره‌رای هه‌مو ئه‌مانه‌ گۆشار و زه‌ختی کۆمه‌لگای پیاوسالار له‌ نیوه‌ی سه‌ده‌ی نۆزده‌دا دۆزه‌خێکی ترسێنه‌ریان بۆ ژنانی کرێکار له‌ ئامریکادا خۆلقاندبوو. ئه‌وان (ژنان) بۆ ده‌ربرینی ناره‌زایه‌تیان به‌رانبه‌ر به‌م هه‌موو هه‌لاواردن و ژێرچه‌پۆکبوونه‌،  رژانه‌ شه‌قامه‌کان و بانگه‌وازیان بۆ یه‌کسانی ژن و پیاو کرد.هه‌شتی مارسی 1857 ره‌نگدانه‌وه‌ی به‌رخۆدانی ژنگه‌لێک بوو، که‌ هاوکات له‌ گه‌ل وه‌گه‌رخرانی چه‌رخه‌کانی مه‌کینه‌ی سه‌رمایه‌داری کێشرابوونه‌ پاناتیه‌کانی کارکردن له‌ ده‌ره‌وه‌ی مال به‌ مه‌به‌ستی به‌رهه‌مهێنانی زیاتر. هه‌شتی مارس و خه‌باتی ژنانی کرێکار له‌ بیره‌وه‌ری ژنانی ئازادیخوازدا به‌ نه‌مری مایه‌وه‌ و چه‌ندین سال دواتر، له‌ قۆناخێکدا که‌ خه‌باتی ژنان بۆ ده‌سته‌به‌ر کردنی ماڤه‌ سیاسی و کۆمه‌لایه‌تیه‌کانیان په‌ره‌ی سه‌ندبوو، به‌ بۆنه‌ی نیوسه‌ده‌ ده‌رباز بوون به‌سه‌ر بزوتنه‌وه‌ی به‌رانبه‌ری خوازی هه‌شتی مارسدا، راست له‌ په‌نجایه‌مین سالوه‌گه‌ری ئه‌م روداوه‌دا واته‌ له‌ هه‌شتی مارسی 1907دا رێ‌پێوانێکی گه‌وره‌یان وه‌رێخست. له‌و سه‌رده‌مه‌دا واته‌ سه‌ره‌تاکانی سه‌ده‌ی بیسته‌مدا جولانه‌وی کرێکاری و سوسیالیستی به‌هێزتر له‌ جاران ره‌وتی پێشه‌وه‌چوونی ده‌پێوا، هه‌ر له‌ ره‌وانگه‌ی ئه‌م به‌هێز بوونه‌ی جولانه‌وه‌ی سوسیالیستیه‌وه‌ بوو که‌ ژنان توانیان ببن به‌ به‌شێک له‌ ته‌وانای هێزه‌ چه‌په‌کان. ژنی ئینقیلابی له‌ ته‌شکیلاتی پارته‌چه‌په‌کانی به‌رهه‌له‌ستکاری دنیای سه‌رمایه‌داری ئه‌ودالی وه‌دیهێنانی خه‌ونه‌کانی خۆی بوو. سوسیالیزم یان هه‌مان بیرۆکه‌ی چه‌پ توانی خزمه‌تێکی زۆر به‌کێشه‌ی ژنان بکات. فیمینیست هاوپێ له‌ گه‌ل سوسیالیزمدا هه‌نگاوی به‌ره‌و جیهانی بوون هه‌لهێنا و به‌ کرده‌وه‌ ده‌بینین له‌ گه‌ل سه‌رکه‌وتنه‌کانی بلوکی رۆژهه‌لاتدا (شه‌رق) جولانه‌وه‌ی ژنی ئینقیلابیش سه‌رکه‌وتنی وه‌ده‌ست ده‌هێنا. به‌لام چه‌پ یان سوسیالیزم چه‌نده‌ توانی زانستیانه‌ له‌ گه‌ل کێشه‌ی ژناندا مامه‌له‌ بکات و ماکنیزمه‌کانی بۆ گه‌یشتن به‌ ئامانجه‌کانی لانیکه‌م سه‌باره‌ت به‌ پرسی ژنه‌وه‌ چه‌ند بنه‌مای زانستیان هه‌بوو. ئایا خوێندنه‌وی ده‌سه‌لاتی کۆمونیستی به‌ده‌وله‌ت بوو، بۆ کێشه‌ی ژن چه‌نده‌ توانی ببێته‌ رێگه‌ چاره‌ی گۆنجاو بۆ هه‌لوه‌شاندنه‌وه‌ی نه‌ریت و یاساکانی جیاوازی دانه‌ر له‌ مابه‌ین ژن و پیاودا ؟ به‌داخه‌وه‌ دوای سه‌رکه‌وتنی ئینقیلابی سووریش و ته‌نانه‌ت دوای هه‌ره‌سهێنانی بنه‌ماکانی ده‌وله‌تی سووریش له‌ شه‌وره‌ویدا، ئه‌وه‌ی که‌ له‌ بافتی کۆمه‌لایه‌تی ئه‌و وه‌لاتانه‌ که‌ پێکهاتنیان ده‌رئه‌نجامی پارچه‌پارچه‌بوونی شه‌وره‌وی بوو ده‌یبینین،  هه‌مان کۆمه‌لگای شه‌رقیه‌ به‌ ته‌واوی تایبه‌تمه‌ندیه‌کانیه‌وه‌. ئه‌وه‌ی که‌ هێشتاکه‌ ئه‌و نه‌ته‌وانه‌ که‌ به‌ده‌یان سال له‌ ژێر به‌یره‌قی سووردا ژیاون توانیویانه‌ نه‌ریته‌کانی خۆیان به‌ چاک و خرابه‌وه‌ بپارێزن. ئه‌وه‌ی که‌ ده‌بینین له‌و چوکه‌ وه‌لاتانه‌دا هێشتاکه‌ به‌ زه‌قی ماڤی ژنان پێ‌شل ده‌کرێت، فاکتی ئه‌و راستییه‌یه‌ که‌ ته‌نیا رێگه‌چاره‌ی گۆنجاو بۆ ده‌ربازبوون له‌م کێشه‌یه‌ که‌ ده‌کرێت به‌ مه‌زنترین کێشه‌ی میژووی هاوچه‌رخ ناوزه‌د بکرێت، ئاماده‌ کردن و پێ‌گه‌یاندنی کۆمه‌لگایه‌ له‌ باری فیکریه‌وه‌ و تا کاتێکیش که‌ کۆمه‌لگا نه‌گاته‌ ئه‌و ئاسته‌ ‌ هوشیاریه‌ که‌ وه‌کو زه‌روره‌تێک له‌ به‌رانبه‌ری ژن و پیاو بروانێت ئه‌م کێشه‌یه‌ و کێشه‌ هاوچه‌شنه‌کانیشی به‌ چاره‌سه‌ر نه‌کراوی، یان له‌ باشترین حاله‌تدا به‌ نیوه‌چڵی چاره‌سه‌ر کراوی ده‌مێننه‌وه‌. ژن و پیاو دوو بالی په‌له‌وه‌رێکن، پێشل کردنی ماڤی ژن هه‌مان شکاندنی بالی فرین و ئافراندنی کۆمه‌لگای ئینسانیه‌، بیرۆکه‌ی دیاریکردی رۆژێک به‌ ناوی رۆژی ژنان یه‌که‌م جار له‌ میانه‌ی تێکۆشانی ژناندا بۆ وه‌ده‌س خستنی ماڤی ده‌نگدان له‌ نیویورک هاته‌ کایه‌وه‌. سالی 1909 ئامریکا 23ی فیوریه‌ ژنان له‌ رێ‌پێوانێکدا که‌ داوای ماڤی ده‌نگدانی ده‌کرد و هه‌ر به‌سداربوانی ئه‌و خۆپیشاندانه‌یش پێشنیاریان کرد که‌ هه‌موو سالێک ئاخرین یه‌کشه‌ممه‌ی مانگی فیوریه‌ به‌ سازدانی خۆپیشاندانێک پیر‌ۆز بکه‌ن. سالێک دواتر واته‌ سالی 1910 له‌ "دووهه‌مین کۆنفرانسی ژنانی سوسیالیست"دا ‌ ژنه‌ تێکۆشه‌ری ناودار "کلارا زتکین" باسی رۆژێکی نێونه‌ته‌وه‌ی بۆ ژنانی هێنایه‌ گۆرێ. ژنانی ئۆتریشی رۆژی یه‌که‌می ئاداریان پێشنیار کردبو که‌ له‌ به‌ر ئه‌وه‌ی که‌ کاریگه‌ری هێندێک روداوی میژووی ده‌یتوانی به‌رگری‌که‌ر بێت له‌ به‌رجه‌سته‌بوونه‌وه‌ی کاریگه‌ری خه‌باتی ژنان له‌م رۆژه‌دا له‌ لایه‌ن کۆنفرانسه‌وه‌ په‌سه‌ند نه‌کرا.  ژنانی سوسیالیستی ئالمان لایان وابوو ده‌بێت رۆژی جیهانی ژن 19ی مارس بێت، (1848 خه‌لکی ئالمان راپه‌رینیان کرد دژی شای پروس که‌ له‌ 19ی مارسی هه‌مان سالدا شای پروس ناچار کرا پاشه‌کشه‌ بکات و برێک له‌داواکاریه‌کانی خه‌لکی راپه‌ریو بسه‌لمێنێت برێک له‌داواکاریه‌کان خواسته‌کانی ژنان بوون) دووه‌مین کۆنفرانسی ژنانی سوسیالیست رۆژی 19مارسی 1911یان بۆ به‌رێوه‌بردنی یه‌که‌مین بۆنه‌ی رۆژی ژن دیاری کرد و له‌ هه‌مان کاتیشدا دیاری کردنی رۆژی نێونه‌ته‌وه‌یی ژنیان هێشته‌وه‌ بۆ دانیشتنی داهاتووی خۆیان. دوابه‌دوای بلاوبوونه‌وه‌ی بریارنامه‌کانی کۆنفرانسی ژنانی سوسیالیست، سه‌باره‌ت به‌ پرسی دیاریکردنی رۆژی ژن (ته‌شکیلاتی نێونه‌ته‌وه‌یی پارته‌ سوسیالیسته‌کان و جولانه‌وه‌ کرێکاریه‌کان ) پشتیوانی خۆیان له‌ بریارنامه‌کان ده‌ربری و یه‌که‌مین ته‌شکیلاتێکیش بوون که‌ ئه‌م رۆژه‌یان به‌ ره‌سمی ناسی. 19ی مارسی 1911 ‌ شه‌قامه‌کانی  ئالمان ، ئوتریش ، سویس و دانیمارک گۆره‌پانی خۆپیشاندانی به‌رینی ژنانی ماڤخواز بوون. له‌ ئوتریش زیاتر له‌ 30هه‌زار ژن هاتنه‌ سه‌ر شه‌قامه‌کان و داوای ماڤی یه‌کسانیان کرد. رۆژی جیهانی ژن که‌وته‌ به‌ره‌ی دژایه‌تی کردن له‌گه‌ل دابی کۆن و پارێزه‌رانی دابه‌ جیایی دانه‌ره‌کان.پۆلیس هێرشی کرده‌ سه‌ر ژنانی خه‌باتکار و به‌کرده‌وه‌ سه‌لمێندرا که‌ نیزامه‌ کۆنه‌کان هیچ چه‌شنه‌ ئاخافتنێک جگه‌ له‌ زمانی هه‌ره‌شه‌ و به‌ند و ئازاریان نیه‌ بۆ ئاخافتن له‌ گه‌ل ژنان و کێشه‌کانیان. سالی 1914 سالی هه‌لایسانی شه‌ری جیهانی و سالی ده‌سپێکردنی کۆشتن و وێران کردنی مرۆڤه‌کان و جیهان بوو. بێ گۆمان شه‌ر کاریگه‌ری خۆی له‌سه‌ر بزوتنه‌وه‌ی ژنان هه‌بوو،  ژنان هه‌ر زوو هه‌ستیان به‌م مه‌ترسیه‌ کرد که‌ شه‌ر و گرفته‌کانی شه‌ر و ئاکامه‌ تاله‌کانی کێشه‌که‌یان و خه‌باته‌که‌یان ده‌خاته‌ په‌راوێزه‌وه‌، هه‌ر له‌ به‌ر ئه‌م هه‌ست به‌ مه‌ترسی کردنه‌یش بوو که‌ ده‌بینین ژنان له‌ 8ی مارسی 1915 و 1916 دا دروشمی ئه‌سلی خۆپیشاندانه‌کانیان و چالاکیه‌کانیان دژایه‌تی کردن و مه‌حکوم کردنی شه‌ر و شه‌روانان بووه‌. سیاسه‌ت و ئیستراتیژی ژنانی خه‌باتکار له‌م مه‌قته‌عه‌ زه‌مانیه‌دا ده‌بێته‌ به‌ قه‌ناعه‌ت گه‌یاندنی خه‌لکی بۆ پشتیوانی نه‌کردن له‌ شه‌رێک که‌ جگه‌ له‌ مال‌وێرانی هیچ ئاکامێکی‌تری نابێت. بێ گۆمان بزوتنه‌وه‌ی ژنانی یه‌کسانی خوازیش نه‌یتوانی له‌ سه‌رده‌می شه‌ردا به‌ته‌واوی یه‌کیه‌تی ریزه‌کانی خۆی بپارێزت و ئه‌و گرینگه‌یش که‌ بزوتنه‌وه‌ی ژنانیش هه‌لقولاوی ناخی گه‌لان بوو ئه‌و ده‌ئه‌نجامه‌ی لێکه‌وته‌وه‌ که‌ له‌یه‌کتر جیابوونه‌وه‌ی ته‌شکیلاتی رێکخراوه‌کانی ژنانی به‌دوادا هات. به‌لام ئه‌م لێک بلاو بوونه‌وانه‌ و ئه‌م جۆره‌ ئینشیعابانه‌ هیچ کات نه‌یانتوانی له‌ مه‌زنی و گه‌وره‌یی رۆژی 8ی مارس و بۆنه‌کانی ئه‌و رۆژه‌ که‌م کاته‌وه‌. بۆیه‌ ده‌بینین سال به‌ سال ئاهه‌نگه‌کانی 8مارس به‌جۆشتر و پڕخرۆشتر له‌ رابردوو به‌رێوه‌ده‌چن. زۆرێک له‌ میژوو نوسان راپه‌رینی ژنانی" پێترۆگراد" له‌ 8ی مارسی 1917 دا ‌ دژی برسیه‌تی و شه‌ر و تیزاریسم به‌ یه‌که‌مین هاواره‌کانی ئینقیلابی سوور ده‌زانن. کرێکاران به‌ راگه‌یاندنی مانگرتنیان له‌ خواردن پشتیوانیان له‌ راپه‌رینی ژنان کرد و به‌م جۆره‌ رۆژی 8ی مارسی 1917 به‌ رۆژێکی میژووی له‌ میژووی ئینقلابی روسیه‌دا جێ خۆی کرده‌وه‌.له‌ گه‌ل سه‌رکه‌وتنی ئینقیلانی ئۆکتۆبر ژنانی روسیه‌ توانیان به‌شێکی زۆری ویسته‌کان و داواکاریه‌کان و ماڤه‌کانیان ده‌سته‌به‌ر بکه‌ن. له‌سالی 1921 "کۆنفرانسی ژنانی ئینتیرناسیونالی سێیه‌می کۆمۆنیستی" له‌ شاری مۆسکۆ به‌رێوه‌چوو، هه‌ر له‌و کۆنفرانسه‌دا بوو که‌ رۆژی هه‌شتی مارس وه‌کو رۆژی جیهانی ژن راگه‌یندرا.کۆنفرانس له‌ گه‌ل راگه‌یاندنی رۆژی 8ی مارس وه‌کو رۆژی نێونه‌ته‌وه‌یی ژن بانگه‌وازیشی ئاراسته‌ی سه‌رجه‌م ژنانی دنیا کرد که‌ راپه‌رن دژی ئه‌و سیستمانه‌ که‌ ماڤه‌کانیان پێشل ده‌کات. له‌م قۆناخه‌دا بوو که‌ جولانه‌وه‌ی ژنانی پێشکه‌وتن‌خواز له‌سه‌رانسه‌ری جیهاندا زیاتر په‌ره‌ی‌سه‌ند و رۆژی جیهانی ژنیش بووه‌ سه‌مبۆلی یه‌کگرتن و یه‌کده‌نگ بوونی ژنان له‌ سه‌رانسه‌ری جیهاندا.  له‌ نیوه‌کانی ده‌یه‌ی 1930دا جیهان به‌ره‌و هه‌لدێری شه‌رێکی تر هه‌نگاوی هه‌لده‌هێنایه‌وه‌. به‌رێوه‌چوونی خۆپیشاندانه‌کانی رۆژی جیهانی ژن له‌و وه‌لاتانه‌دا که‌ فاشیزم خاوه‌نی ده‌سه‌لات بوو، به‌ فه‌رمی قه‌ده‌غه‌ کرا.به‌لام له‌ گه‌ل قه‌ده‌غه‌کرانی  بۆنه‌کانی 8مارس ده‌بینین له‌ سالی1936دا ژنانی ئالمانی له‌ بێرلین خۆپیشاندان ده‌که‌ن.له‌ هه‌مان رۆژدا ژنانی ئیسپانیایش له‌ مادرید 8مارس به‌ رێکخستنی خۆپیشاندانێک پیرۆز ده‌که‌ن و به‌ده‌یان هه‌زار ژن دروشمی "ئازادی و ئاشتی" ئه‌لێنه‌وه‌. له‌ میانه‌ی شه‌ری دووه‌می جیهانی به‌کرده‌وه‌ ده‌بینین که‌ ژنان به‌ که‌لک وه‌رگرتن له‌ پشتیوانی وه‌لاتانی بلوکی کۆمۆنیستی و به‌ ده‌رس وه‌رگرتن له‌ ئه‌زمونه‌کانی پێشویان ده‌توانن  جولانه‌وه‌که‌یان له‌ په‌راوێز کران رزگار بکه‌ن و به‌ کرده‌وه‌ له‌ ساله‌کانی شه‌ردا هه‌تاکو کۆتایی له‌ به‌ره‌ی دژی فاشیزمدا  هه‌ول ئه‌ده‌ن بۆ گه‌یشتن به‌ ئامانجه‌کانیان. له‌ ده‌سپێکی ده‌یه‌ی 60زاینیدا ده‌بینین که‌ دروشمه‌کان و داواکاریه‌کانی ژنان و ته‌نانه‌ت رێکخراوه‌کانیشیان روو له‌ زیاد بوون ده‌که‌ن. ژن ئێتر خۆی و خه‌باته‌که‌ی سه‌پاندووه‌ بۆیه‌ شلگیرانه‌تر و لێبراوانه‌تر له‌ جاران به‌ره‌و رووی جیهانی جیاوازیدانه‌ر ده‌بێته‌وه‌. له‌م سالانه‌دایه‌ که‌ ژنان به‌ کرده‌وه‌ دژی سیاسه‌ته‌کانی کلیسا ده‌وه‌ستنه‌وه‌ و به‌ ئاشکرا به‌ر هه‌له‌ستی بیرۆکه‌ی پیاوسالاری و لایه‌نگرانی ده‌بنه‌وه‌. له‌ ئوروپا و ئامریکا ژنان داوای ' ماڤی جیابوونه‌وه‌(طلاق)، ماڤی له‌باربردنی جنین، دابین کردنی پیشه‌ و قه‌ده‌غه‌ کرانی ئازاری جینسی و که‌م کردنه‌وه‌ی ساعه‌تی کار  ده‌که‌ن که‌ به‌ نوێگه‌رایی یان تازه‌گه‌رایی له‌ داواکاریه‌کانیان باسی لێوه‌ ده‌کردرێت. ئه‌م جولانه‌وه‌یه‌ توانی له‌ چه‌ند بوارێکدا هه‌نگاوی باش هه‌لێنێته‌وه‌ و بگره‌ ده‌سکه‌وتی باشیش له‌ ئامریکا و ئوروپادا وه‌ده‌س بخات. له‌ سالی 1975 رێکخراوی نه‌ته‌وه‌ یه‌کگرتووه‌کان رۆژی 8ی مارسی وه‌کو رۆژی جیهانی ژن به‌ ره‌سمی ناسی. ئه‌م به‌ره‌سمی دان‌پێدانانه‌ی نه‌ته‌وه‌یه‌کگرتووه‌کان سه‌رکه‌وتنێکی گه‌وره‌ بوو بۆ ژنانی جیهان، به‌لام هێزه‌ چه‌په‌کان یان تۆندهاژوه‌کان ئه‌م به‌ره‌سمی ناسینه‌یان به‌ ته‌رفه‌ندێکی سیاسی زانی. چه‌په‌کان لایان وابوو که‌ دهسه‌لاته‌ دیکتاتۆره‌کان له‌مۆ به‌دوا ده‌ستیان ئاوالا ده‌بێت بۆ ئه‌وه‌ی که‌ هه‌شتی مارس و بۆنه‌کانی ئه‌م رۆژه‌ جیهانیه‌ ده‌سته‌مۆ بکه‌ن و به‌رێکخستنی که‌رنه‌والگه‌لێک له‌ که‌سانی سه‌ربه‌ ده‌سه‌لات له‌ گه‌وره‌یی و مه‌زنی ئه‌م رۆژه‌ که‌م که‌نه‌وه‌ و ئامانجه‌کانیشی به‌لارێدا به‌رن. ئه‌م پێشوه‌قت قه‌زاوه‌ت کردنه‌ی ئه‌و هێزانه‌ به‌داخه‌وه‌ له‌ هێندێک شوێنی جیهاندا به‌راست وه‌رگه‌را، به‌لام به‌ تێپه‌ر بوونی ساله‌کان و له‌سایه‌ی پێشکه‌وتنه‌کانی مرۆڤایه‌تیه‌وه‌ و ئاسانبوونه‌وه‌ی یه‌کتر بینینه‌وه‌ له‌م سه‌رده‌مه‌دا ده‌بینین که‌ هیچ یه‌ک له‌و ده‌سه‌لاته‌ دیکتاتوریانه‌ نه‌یانتوانی تا سه‌ر رۆژی هه‌شتی مارس و جولانه‌وه‌ی یه‌کسانی خوازی ژنان بێده‌نگ راگرن. دوابه‌دوای ساله‌کانی 1970 که‌ هاوکاته‌ له‌ گه‌ل گه‌شه‌سه‌ندی دنیای رژئاوا له‌ باری سه‌نعه‌تی و تێکنۆلۆژیه‌وه. له‌ هه‌مان کاتیشدا هه‌ولدانی وه‌لاتانی پێشکه‌وتوو بۆ ده‌ست‌داگرتن به‌سه‌ر بازاره‌کانی وه‌لاتانی جیهانی سێیه‌مدا و گه‌رانیان بۆ شارۆ کردنی که‌ره‌ستی خاو بۆ پێخۆری ناوه‌نده‌ به‌رهه‌مهێنه‌ره‌کانیان هه‌موو پێکه‌وه‌ ره‌خسێنه‌ری بواری زیاتر خۆ وه‌ده‌رخستنی ژنیان له‌ کۆمه‌لگا دواکه‌وتوه‌کانیشدا ره‌خساندووه‌. نه‌هاکه‌ له‌وه‌لاتانی ئافریقایی و ئاسیایی و ئامریکای لاتیندا‌ شاهیدی نفوزێکی زۆر ژنی کرێکارین. بێ گۆمان هاتنه‌ده‌ری ژن له‌ چوارچێوه‌ی مال و کارکردنی هاوشانی پیاو به‌ هه‌موو که‌م‌وکۆریه‌کانیه‌وه‌ که‌ ده‌یبینین خۆی له‌ خۆیدا هه‌نگاوێکی به‌ره‌وپێشه‌ بۆ ژنان و مزگێنیده‌ری دوارۆژێکی باشتره‌.

ئاهه‌نگی 8 ی مارس و نه‌وڕۆز له‌ شاری ڤێستڕۆس

ئاهه‌نگی 8ی مارس له‌ نۆرویژ 20070310

03 Mar 2007 ئاهه‌نگی 8ی مارس له‌ نۆرویژ 20070310

ئاهه‌نگی 8ی مارس له‌ فالون 20070310

|+| نوشته شده توسط رێباز کوردستانی در و ساعت   

سنه‌:دوورخستنه‌وه‌ی چالاکێکی سیاسی به‌ هه‌زینه‌ی خۆیه‌وه‌

ناوه‌ندی خه‌به‌ری حدکا، 12،12،85: رۆژی سێ‌شه‌ممه‌ 8،12،1385 چالاکێکی سیاسی به‌ ناوی 'سۆهراب جه‌لالی" خه‌لکی شاری سنه‌، له‌ کۆتایی ئاخه‌رین دانیشتنی دادگه‌ی پێداچوونه‌وه‌ به‌و تۆمه‌تانه‌وه‌ که‌ له‌ لایه‌ن رژیمه‌وه‌ درابوونه‌ پالی حۆکم‌درا به ماوه‌ی پێنج سال دوورخرانه‌وه‌ی بۆ شاری "کاشمه‌ر".
"جه‌لالی" له‌ کۆتایی یه‌که‌م خۆلی دادگایدا ماوه‌ی دوو سال به‌ندکرانی به‌ سه‌ردا سه‌پێندرابوو، به‌لام به‌ سه‌رسوورمانه‌وه‌ له‌ کۆتایی کاری داگه‌ی پێداچوونه‌وه‌دا ئه‌و بریاره‌ی دادگای یه‌که‌مین گۆردرا بۆ 5 سال دوورخرانه‌وه‌(تبعید).
به‌لام له‌م په‌یوه‌ندیه‌دا ئه‌وه‌ی که‌ جێگای سه‌رینج و بگره‌ جێ‌تێ‌فکرینه‌، هه‌لویست یان کرده‌وه‌ی ده‌زگای ئیتلاعاتی شاری سنه‌یه‌، که‌ هه‌ستاوه‌ به‌ وه‌رگرتنی بری 120 هه‌زار تمه‌ن پاره‌ له‌ بنه‌ماله‌ی "سۆهراب" به‌ ناوی خه‌رجی ناردنی کوڕه‌که‌یان بۆ "کاشمه‌ر"(تبعید).


دیوانده‌ره‌: هێنانی چه‌ک و ته‌قه‌مه‌نی بۆ سپای پاسداران

ناوه‌ندی خه‌به‌ری حدکا، 12،12،85: سیاسه‌تی میلیتاریزه‌‌کردنی کوردستان، هه‌ر له‌ یه‌کم رۆژه‌کانی هاتنه‌سه‌ر کاری حکومه‌تی دژی گه‌لی ئاخوندیه‌وه‌، یه‌کێک بووه‌ له‌و سیاسه‌ته‌ کاولکاریانه‌ی ئه‌م رژیمه‌ که‌ له‌ ماوه‌ی 28سال ته‌مه‌نیدا جێ‌به‌جی کردوون.
پۆشته‌و په‌رتاخ کردنی هێزه‌کانی له‌ کوردستاندا به‌ نوێترین و کۆشه‌نده‌ترین چه‌که‌کان و هه‌ولدانی ئه‌م رژیمه‌ به‌ بیانووگه‌لی جۆراوجۆره‌وه‌ وه‌کو بوونی هێزی پێشمه‌رگه‌ی کورد و.. بۆ هێنانی هێزی زیاتر بۆ کوردستان به‌ دریژایی ته‌مه‌نی رژیم درێژه‌ی هه‌بووه‌. ئه‌م هه‌ولانه‌ تا ئه‌و جیگایه‌ په‌ره‌یان پێدراوه‌ که‌ به‌ کرده‌وه‌ نه‌هاکه‌ ده‌بینین کوردستان به‌ته‌واوی مانا بووه‌ته‌ مۆلگه‌یکی گه‌وره‌ی سه‌ربازی، پڕ له‌چه‌ک و ته‌قه‌مه‌نی .
زۆرمان نه‌گوتوه‌ گه‌ر بلین کوردستان بووه‌ته‌ ئه‌نباری چه‌ک و شوێنی حه‌وانه‌وه‌ چه‌کدارانی رژیم.
گۆشاره‌کانی ئامریکا بۆ سه‌ر ئێران و بوونی سه‌ربازه‌ ئامریکایه‌کان له‌ خاکی ئێراقدا و نزیکی کورده‌کانی باشور له‌ ئامریکایه‌کان له‌م دوایانه‌دا هه‌موو بابه‌تگه‌لێکن که‌ رژیمی کۆماری دژی کوردی تاران قۆزتونیه‌ته‌وه‌ بۆ ناردنی هێزی زیاتر و چه‌کی زیاتر بۆ کوردستان.
بێ گۆمان ناردنی ده‌یان کامیون چه‌ک و چۆلی قۆرس و سوک بۆ سپای پاسدارانی شاری دیوانده‌ره‌ له‌ درێژه‌ی ئه‌و جم‌وجولانه‌دایه‌ که‌ له‌م دوایانه‌دا رژیم به‌ بیانوی ئه‌گه‌ری ده‌رگیر بوونی له‌ گه‌ل ئامریکایه‌کاندا له‌ رۆژئاوای ئێران (کوردستان) ده‌یانکات.
که‌سانی ئاگادار و چاوه‌دێرانی سیاسی و له‌سه‌ره‌وه‌یان هێزه‌ کوردیه‌کانی ئۆپۆزیسیون باس له‌ ئه‌گه‌ری ده‌س‌پێکردنی ئۆپراسیونێکی سه‌رتاسه‌ری ده‌که‌ن له‌ لایه‌ن رژیمه‌وه‌ بۆ سه‌ر خه‌لکی کورد، به‌ مه‌به‌ستی چاوترسێن کردنی ئه‌م گه‌له‌ هه‌مووکات خه‌باتکار و به‌رهه‌له‌ستکاره‌ی سیاسه‌ته‌ دژی ئینسانیه‌کانی رژیمی ئاخوندی.
ئه‌وانه‌ی که‌ باس له‌ ئه‌گه‌ری هێرشی رژیم بۆ سه‌ر کۆمه‌لانی خه‌لک ده‌که‌ن، له‌ گه‌ل ئه‌وه‌ی که‌ ناوه‌نده‌ سیاسیه‌کانی نێونه‌ته‌وه‌یی له‌ زه‌مینه‌سازی رژیم بۆ ئه‌م هێرشه‌ ئاگادار ده‌که‌نه‌وه‌، لایان وایه‌ که‌ رژیم به‌ هێرش کردن بۆ سه‌ر خه‌لکی بێ‌تاوان و بێدیفاع ده‌یهه‌وێت خه‌لکی کورد بترسێنێت و هه‌ر له‌ ئێستاوه‌ به‌ کۆشتن و وێران کردن پێش به‌ پێ‌گرتنی هه‌رجۆره‌ حه‌ره‌که‌تێکی ناره‌زایه‌تی خه‌لکی بێده‌ره‌تان و وه‌زاله‌هاتووی کورد بگرێت.
ناردنی چه‌ک‌و ته‌قه‌مه‌نی له‌ حه‌جمیکی فه‌راواندا بۆ شارێکی وه‌ک دیوانده‌ره‌، له‌ شه‌وی 9ی ره‌شه‌مه‌دا ئه‌گه‌ره‌کانی زیادبوونی گۆشاره‌کان له‌ داهاتودا بۆ سه‌ر خه‌لکی ئازادیخوازی کورد زیاتر و زیاتر ده‌کات.

ره‌وانسه‌ر: ته‌قینه‌وه‌ی که‌پسولی‌گاز گیانی ژن و مێردێکی گرت

ناوه‌ندی خه‌به‌ری حدکا، 12،12،85: چه‌ند رۆژ له‌ مه‌وپێش ژن و مێردێک به‌ ناوه‌کانی"گۆلباخ عه‌زیمی" و "حاته‌م نووری" دانیشتووی شاری ره‌وانسه‌ر به‌ هۆی ته‌قینه‌وه‌ی که‌پسولی‌گازه‌وه‌ به‌ ریژه‌ی له‌ سه‌دا حه‌فتا سووتان، ره‌وانه‌ی نه‌خۆشخانه‌ کران.
به‌داخه‌وه‌ له‌ به‌ر له‌سه‌ره‌وه‌ بوونی رێژه‌ی سووتانه‌که‌یان له‌ ریکه‌وتی 9ی ره‌شه‌ممه‌دا ئه‌و ژن و مێرده‌ له‌ نه‌خۆشخانه‌دا گیانیان له‌ده‌ستدا و کۆرپه‌یه‌کیان له‌ دوای خۆیان به‌جێ‌هێشت.

|+| نوشته شده توسط رێباز کوردستانی در و ساعت   

سنندج

برگزاری دادگاه سه تن از اعضاي هيأت تحريريه‌ي «روژ هلات»

|+| نوشته شده توسط رێباز کوردستانی در و ساعت   

مبارزات مردم کردستان برای دمکراسی
مصاحبه‌ با خانم نسرین قاسملو و پرویز ده‌سمالچی

|+| نوشته شده توسط رێباز کوردستانی در و ساعت   

قوروه‌: ئیتلاعات دوو که‌س ده‌کۆژێت و یه‌کێکیش بێ سه‌روشوێن ده‌کا

ناوه‌ندی خه‌به‌ری حدکا ، 03،12،85: دوا به‌ دوایی ئه‌وه‌ که‌ "عه‌لیره‌زا مۆحه‌مه‌دی" له‌ به‌رانبه ر گۆشاره‌کانی هێزه‌کانی رژیم بۆ خه‌لک و رۆژ به‌رۆژ زیاتر ناله‌بار بوونی باری گۆزه‌رانی خه‌لک ، کرده‌وه‌کان و سیاسه‌ته‌ هه‌له‌کانی رژیم و ده‌وله‌تی ئه‌حمه‌دی نژادی دابووه‌ به‌ر ته‌شه‌ر. له‌ لایه‌ن ئیتلاعاتیه‌کانه‌وه‌ له‌ تاران بێ سه‌روشوێن ده‌کرێت.
"عه‌لی ره‌زا " به‌ تاوانی جنێو دان به‌ " ئه‌حمه‌دی نژاد" سالی رابردوو له‌ مه‌یدانی میوه‌ فرۆشانی تاران ده‌سبه‌سه‌ر و بێ سه‌روشوێن کراوه‌ .
به‌داخه‌وه‌ هه‌تاکوو ئێستاش هیچ جۆره‌ زانیاری یان هه‌اولێک له‌ سه‌ر هۆی گیران یان شوێنی گیرانی ئه‌و لاوه‌ کورده‌ به‌ بنه‌ماله‌که‌ی رانه‌گه‌یندراوه‌ و هیچ ئۆرگانێکی حکومه‌تی تارانیش ئاگاداری له‌ مه‌ر گیران یان له‌ به‌ندیخانه‌ بوونی بۆ بنه‌ماله‌ی ناوبراو دووپات نه‌کردووه‌ته‌وه‌.
"عه‌لی ره‌زا" دوای ئه‌وه‌ی که‌ خوێندنی دواناوه‌ندی ته‌واو ده‌کا ، وه‌کو زۆربه‌ی هه‌ره‌ زۆری لاوانی کورد که‌ له‌ به‌ر نه‌بوونی کار له‌ کوردستاندا روو ده‌که‌نه‌ شاره‌ گه‌وره‌کان بۆ دابین کردنی لانی که‌می پێویستیه‌کانی ژیان ، رووی له‌ شاری تاران کردبوو و له‌ مه‌یدانی میوه‌ فرۆشانی ئه‌و شاره‌دا کاری ده‌کرد.


"به‌هادین مه‌فاغری" دوای ته‌واو کردنی خوێندنی بالا له‌ لایه‌ن هێزه‌کانی ئیتلاعاته‌وه‌ کۆژرا. ناوبراو خوێندکاری رشته‌ی ماڤ (حقوق) بووه‌ و دوای ته‌واو کردنی خوێندن له‌ شاری هه‌مه‌دان وه‌کوو قازی له‌ دادگای رۆحانیه‌ت ده‌س به‌کار ده‌بێت.
"به‌هادین" بۆ ره‌د نه‌بوونه‌وه‌ی له‌ په‌زیرشی زانکۆدا ناچار ده‌بێت به‌ درۆ بلێت که‌ مه‌زهه‌بی شێعه‌یه‌ .
دوای ئه‌وه‌ی که‌ ئیتلاعات ده‌زانێت که‌ ئه‌م هه‌موو ساله‌ که‌سی ناوبراو درۆی له‌ گه‌ل کردوون له‌ کار ده‌ریده‌که‌ن و دواتریش بێ سه‌روشوێنی ده‌که‌ن.
له‌م رۆژانه‌دا له‌ رێگای ته‌له‌فوونه‌وه‌ به‌ بنه‌ماله‌که‌ی راده‌گه‌ینن که‌ ته‌رمی به‌هادین له‌ نزیک پردی قوروه‌یه‌ . بنه‌ماله‌ی به‌هادین ته‌رمی کوره‌که‌یان له‌و جێگایه‌ که‌ به‌ ته‌له‌فوون پێیان گۆترابوو ده‌دۆزنه‌وه‌ و له‌ قه‌برستانی شار به‌ خاکیان سپاردووه‌.
به‌لام ئیتلاعاتی رژیم و هێزه‌کانی تری رژیم تاکوو ئێستا به‌ هیچ جۆرێک دانیان به‌وه‌دا نه‌ناوه‌ که‌ ناوبراو لای ئه‌وان زیندانی بووه‌ و هه‌رجۆره‌ تێوه‌گلانێکی خۆیانیان ئینکار کردووه‌.

"برایم مۆحه‌مه‌دی" خه‌لکی گۆندی قه‌سلانی سه‌ر به‌ شاری قوروه‌ له‌به‌ر خاتری بێ ده‌ره‌تانی و نه‌بوونی کار و پیشه‌ ناچار ده‌بێت مه‌زهه‌بی خۆی بگۆرێت و ببێت به‌ شێعه‌ .
ئه‌و که‌سانه‌ی سه‌ر به‌ مه‌زهه‌به‌کانی تر کاتێک ده‌بن به‌ شێعه‌ له‌ لایه‌ن رژیمه‌وه‌ چه‌ندی ئاوانسی جۆربه‌جۆریان پێ ده‌درێت و هه‌روه‌ها بۆ ته‌بلیغاتیش بێت بنکه‌کانی مه‌زهه‌بی شێعه‌ زۆر باش وه‌ریانده‌گرن .
دابین کردنی شوێنی کار و شوێنی نیشته‌جێ بوون و چه‌ندین ئاسانکاری تر بۆ ئه‌و که‌سانه‌ که‌ روو ده‌که‌نه‌ مه‌زهه‌بی ره‌سمی وه‌لات ،هه‌موو ئامرازێکن بۆ هاندانی خه‌لکی بێ ده‌ره‌تانی سونی له‌ ئێراندا بۆ ئه‌وه‌ ببن به‌ شێعه‌.
برایم مۆحه‌مه‌دیش هه‌ر دوای ئه‌وه‌ که‌ ده‌بێته‌ شێعه‌ له‌ ئیتلاعاتی رژیم کاری پێده‌درێت و ژنێکی سه‌ر به‌ ئیتلاعاتیشی لێ سیغه‌ ده‌کرێت.
به‌لام دوای ئه‌وه‌ که‌ شک و گۆمانی لێ په‌یدا ده‌که‌ن و بۆیان روون ده‌بێته‌وه‌ که‌ له‌ ماوه‌ی کاریا له‌ حیفازه‌تی ئیتلاعات ده‌ستی به‌ زۆر نهێنی ئه‌و ده‌زگایه‌ گه‌یشتووه‌ ، ده‌یکۆژن و ته‌رمه‌که‌ی له‌ گۆمی باوه‌گوڕ گوڕ فرێ ئه‌ده‌ن.

................

مه‌ریوان: دیسان هێزه‌کانی رژیم هێرش ده‌که‌نه‌ سه‌ر کاسبکاران

ناوه‌ندی خه‌به‌ری حدکا ، 03،12،85: رۆژی چوارشه‌مه‌ دووی ره‌شه‌مه‌ هێزه‌ چه‌کداره‌کانی رژیم هه‌لیانکۆتایه‌ سه‌ر کاسبکاره‌کانی مه‌نتیقه‌ی سووته‌مه‌نی فرۆشه‌کان که‌ ده‌که‌وێته‌ نزیک بازاری دینار فرۆشانه‌وه‌.
ده‌وریه‌که‌ی رژیم که‌ پێکهاتبوو له‌ چه‌ندین ماشینی پر له‌ چه‌کدار زۆر وه‌حشیانه‌ به‌ربوونه‌ گیانی کاسبکاره‌ بیدیفاعه‌کان و ده‌ستیان دایه‌ لێدان و حۆرمه‌ت شکاندنی خه‌لکه‌که‌.
داوی ئه‌وه‌ که‌ ئه‌م هێزانه‌ یه‌کێک له‌ کاسبکاره‌کانیان گرت و ویستیان له‌ گه‌ل خۆ بیبه‌ن ، خه‌لکی بازاره‌که‌ چی تر نه‌یانتوانی بێ ده‌نگ دابنیشن و هێرشیان کرده‌ سه‌ر چه‌کداره‌کانی رژیم و گیراوه‌که‌ و ماشیه‌که‌یان له‌ ده‌ستی ئه‌وان وه‌رگرته‌وه‌.
جێ سه‌رینجه‌ کاتێک که‌ گیراوه‌که‌ ئازایه‌تی و نه‌ترسی خه‌لکه‌که‌ی بینی زۆر ئازایانه‌ که‌وته‌ به‌رگری له‌ خۆی و ته‌نانه‌ت چینێکی باشی له‌و چه‌کداره‌ هه‌لدا که‌ ده‌یویست که‌له‌بچه‌ی له‌ده‌ستان بکات.
خه‌لک توانیان گیراوه‌که‌ و ماشینه‌که‌ی له‌ ده‌ستی هێزه‌کان بستێننه‌وه‌ و ته‌نانه‌ت ده‌رفه‌تی ده‌رباز بوون و دوورکه‌وتنه‌وه‌یشی له‌ شوێنی رووداوه‌که‌ بۆ برخسێنن.
............
ناوه‌ندی خه‌به‌ری حدکا03،12،85 : رۆژی یه‌کشه‌ممه‌ 29 ی رێبه‌ندان ، بۆ رێزگرتن له‌ یاد و ناوی رێبه‌ری شه‌هیدی حیزبی ویفاقی کوردی سوریه‌ "که‌مال شاهین" . پارتی ئاماژه‌ پێ دراو هه‌ستا به‌ سازدانی رێ و ره‌سمێک له‌ دوویه‌مین سالوه‌گه‌ری تیرۆری ئه‌م که‌سایه‌تیه‌ به‌ ناوبانگه‌ی جولانه‌وه‌ی رزگاری خوازی کورد له‌ سوریه‌.
ئه‌م رێ وره‌سمه‌ که‌ به‌ به‌شداری حیزب و لایه‌نه‌سیاسیه‌کانی کوردستان به‌رێوه‌چوو .، هه‌ولی دا که‌ له‌میانه‌ی وتار و په‌یامه‌ پێشکه‌ش کراوه‌کاندا رێز له‌ یاد و ناوی سکێرتێری شه‌هیدی پارتی ویفاقی کوردی سوریه‌ بگرێت و له‌ ئاست خه‌بات و ماندوبوون و تێکۆشانی ئه‌و که‌سایه‌تیه‌ سیاسی و شه‌ورشڤانه‌دا به‌لگه‌یکی وه‌فاداری رێبواران و هاوسه‌نگه‌رانی بێت.
به‌ نوێنه‌رایه‌تی حیزبی دیموکراتی کوردستانی ئێرانه‌وه‌ به‌رێز کاک "عیرفان ره‌هنموون" به‌رپرسی په‌یوه‌ندیه‌کانی حیزب له‌ شاری سلێمانی به‌شدار ی ئه‌و یاده‌ بوو.
نوێنه‌ری حیزب له‌و رێ و ره‌سمه‌دا له‌ سه‌ر که‌سایه‌تی و خه‌بات و تێکۆشانی شه‌هید که‌مال شاهین وتارێکی پێشکه‌ش به‌ ئاماده‌بووانی یاده‌که‌ کرد .
......................
www.kurdistanmedia.org
ماکو
به‌رێوه‌چوونی جینایه‌تێکی سامناک له‌ گوندی "یارمه‌ق" سه‌ر به‌ ماکو
ماکو - کوردستان: پێنج که‌س له‌ ئه‌ندامانی بنه‌ماڵه‌یه‌ک، له‌ گوندی "یارمه‌ق"ی سه‌ر به‌ بازه‌رگانی ماکو، به‌ شێوه‌یه‌کی دڕندانه‌ له‌ لایه‌ن که‌س یان که‌سانێکی نه‌ناسراوه‌وه‌، کوژراون.
ناوی ئه‌م کوژراوانه‌ بریتین له‌
1ـ ره‌زا ره‌شیدی له‌ دایک بووی 1352
2ـ مه‌ریه‌م عه‌یاره‌ له‌ دایک بووی 1359
3ـ عه‌نایه‌ت ره‌شیدی له‌ دایک بووی 1378
4ـ له‌وزین ره‌شیدی له‌ دایک بوووی 1380
5ـ سولینا ره‌شیدی له‌ دایک بووی 1385
به‌ پێی هه‌واڵی ناوه‌ندی خه‌به‌ری حدکا، گومان ده‌کرێت ئه‌و جینایه‌ته‌ له‌ لایه‌ن که‌سانی سه‌ربه‌ کۆماری ئیسلامی ئێران به‌رێوه‌ چووبێت، قوربانیان به‌ چه‌قۆ سه‌ر بڕاون.
پاش ئه‌و رووداوه‌که‌س و کاری ئه‌م قوربانیانه‌ به‌ مه‌به‌ستی ئاشکرابوونی هوییه‌تی بکوژانی ئه‌م بێتاوانانه‌، سه‌ردانی دادگای ماکو ده‌که‌نو شتی جێگای سرنج ئه‌وه‌یه‌ که‌ له‌ کرده‌وه‌یه‌کی چاوه‌ڕوان نه‌کراو دا دادگای ماکو نه‌ته‌نیا قه‌وڵی هاوکاری نه‌داوه‌ به‌ڵکوو هه‌ڕه‌شه‌ی کردووه‌ که‌ نابێ به‌ دواداچوونی ئه‌م مه‌سه‌له‌یه‌ بکه‌نو ئه‌گه‌ر ده‌ست له‌ به‌ داواداچوون هه‌ڵنه‌گرن ئه‌وا تووشی گیروگرفت و کێشه‌یه‌کی زۆر ده‌بنه‌وه‌.

خه‌ڵکی ئه‌م ئاوایىیه‌ خه‌ڵکێکی نیشتمانپه‌روه‌رنء هه‌رده‌م پشتیوانیان له‌ بزووتنه‌وه‌ی گه‌لی کورد کردووه‌.

رووداوی سه‌ربرینی ئه‌و پێنج که‌سه‌ رۆژی 19ی شوبات سه‌روبه‌ندی ساڵڤه‌گه‌ری کوشتاری خه‌ڵکی ماکۆ له‌ رێپیوانه‌کانی ساڵی 2006دا رووی داوه‌.
........................

سنه‌: گیرانی دوو لاوی بێ تاوان و هه‌لکه‌ندی ئالای کوردستان دوای 10 رۆژ له‌ لایه‌ن رژیمه‌وه
ناوه‌ندی خه‌به‌ری حدکا، 03،12،85: له‌ رۆژی 22 ی رێبه‌ندانی ئه‌وسالدا که‌ که‌سانی سه‌ر به‌ رژیم خه‌ریکی گێرانی نمایسی درۆینی یاده‌کانی سالوه‌گه‌ری هاتنه‌ سه‌ر کاریان بوون. ئه‌ندامان و لاینگرانی حیزبی دیموکراتی کوردستانی ئێران له‌ سه‌ر لووتکه‌ی کێوی "ته‌ونار" ئالای وه‌لاتێکی داگیر کراویان هه‌لدا و له‌ سه‌ر به‌فری سپی ناوقه‌دی شاخ دروشمی بژی حیزبی دیموکراتی کوردستانی ئێرانیان نوسیه‌وه‌. ئالای کوردستان که‌ له‌ به‌رزیدا و به‌ به‌رزی هه‌لکرابوو ماوه‌ی ده‌ رۆژ له‌ لوتکه‌ی "ته‌ونار" چاوی هه‌موو رێبوارانی جاده‌ی سنه‌ _ قوروه‌ی ده‌لاوانده‌وه‌ و بۆ ساته‌وه‌قتێکی کورد هیواکانی خه‌لکێکی تینوی ئازادی به‌رجه‌سته‌ ده‌کرد.
هێزه‌کانی رژیمی جه‌هل و نه‌زانی به‌ترسه‌وه‌ تیمێکیان بۆ هێنانه‌خواری ئالا و تیمێکیان بۆ گرتنی لاوه‌کانی کورد هێرشیان کرده‌ سه‌ر ناوچه‌که‌. ئه‌وان که‌ نه‌یانده‌زانی کێ ئه‌و ئالایه‌ هه‌لکردووه‌ کوێرانه‌ دوو لاوی بێتاوانیان به‌ ناوه‌کانی "هوشیار سه‌لواتی" دانیشتوی "سه‌ڵوات ئاو" و " ئاسۆ سه‌لیمی" دانیشتوی"برازان" یان ده‌ستگیر کرد و ره‌وانه‌ی سیاچاله‌کانی رژیمیان کردن.
جێ ئاماژه‌یه‌ که‌ کاتێک سیخۆره‌کان و به‌کرێگیراوانی رژیم ئالاکه‌یان ده‌هێنایه‌ خواره‌وه‌ هه‌ولی زۆریان دا که‌ درۆشمی بژی دیموکرات که‌ به‌ درێژایی 40 میتر به‌ ره‌نگی ره‌ش له‌ سه‌ر به‌فر نوسرابووه‌وه‌ بسرنه‌وه‌ و بیشێوێنن ، به‌لام ئێستاشی له‌ گه‌لدا بێت له‌ سه‌ر جاده‌وه‌ ئه‌و دروشمه‌ به‌ جوانی ده‌خوێندرێته‌وه‌.
جێ ئامژه‌یه‌ که‌ تاکو گه‌یشتنی ئه‌م هه‌واله‌ بنه‌ماله‌ی ئه‌و دوو لاوه‌ بێ تاوانه‌ هیچ خه‌به‌رێکیان له‌ وه‌زعیه‌تی منداله‌کانیان نیه‌ و له‌ بارودۆخێکی زۆر خرابی رۆحیدا به‌ سه‌ر ده‌به‌ن.
زه‌نجان: داخستنی گۆڤاری "تخته‌ سیاه‌"
له‌ بریارێک دا کۆمیته‌ی ئینزیباتی و حه‌راسه‌تی زانکۆی" زه‌نجان" قه‌ده‌غه‌ بوونی بالو بوونه‌وه‌ی گۆڤاری "تخته‌ سیاه‌" به‌ به‌رپرسانی ئه‌م گۆڤاره‌ خوێندکاریه‌ راگه‌یاند.
"تخته‌ سیاه‌" که‌ سه‌ر به‌ ئه‌نجۆمه‌نی خوێنداریه‌ و تا راده‌یک گۆڤارێکی سه‌ربه‌خۆ بوو ، به‌ تۆمه‌تی هه‌ولدان بۆ ئالۆز کردنی بیر و رای گشتی و جموجۆل دژی رژیم داخراوه‌ و به‌رێوه‌به‌رانی ئه‌م گۆڤاره‌ تۆمه‌تی دژایه‌تی له‌ گه‌ل حکومه‌تیان خراوه‌ته‌ پال.
خزاندنی به‌سیجیه‌کان بۆ ناو ریکخراوه‌ خوێندکاریه‌کان و سیخۆری کردنی ئه‌م که‌سانه‌ له‌ سه‌ر هاورییه‌کانیان ، مه‌جالی ئه‌وه‌ بۆ کاربه‌ده‌ستانی زانکۆه‌کان له‌ ئێران ده‌ره‌خسێنێت که‌ خوێندکاره‌ هوشیار و خاوه‌ن هه‌لویسته‌کان زوو بناسن و به‌ پیک هێنانی که‌شێکی ته‌واو ئه‌منیه‌تی و پۆلیسی له‌ ناو زانکۆه‌کاندا پێش له‌ گشت جموجۆلێکی خوێندکاری بگرن.
نه‌غه‌ده‌: کورد و ئازه‌ری داوای خوێندن به‌زمانی دایکیان کرد و کۆماری ئیسلامیش به‌ باتۆم دیسان وه‌لامی دانه‌وه‌

ناوه‌ندی خه‌به‌ری،03،12،85: رۆژی چوارشه‌ممه‌ دوی ره‌شه‌مه‌ لاوه‌کانی ئازه‌ری به‌ سازدانی رێپێوانێکی هێمنانه‌ چوونه‌ پێشوازی رۆژی جیهانی زمانی دیکیه‌وه‌.
کاتژمێر 3:30 پاس نیوه‌رۆ ئاپۆره‌یکی سێ تا چوار هه‌زار که‌سی له‌ لاونی ئازه‌ر له‌ شه‌قامی خۆمه‌ینیه‌وه‌ ده‌ستیان به‌ خۆپیشندانێکی هێمنانه‌ کرد، به‌ مه‌به‌ستی داواکردنی ماڤه‌ پێشل کراوه‌کانیان.
دروشمه‌کانی ئه‌م رێپێوانه‌ بریتی بوون له‌ "زمانی ئێمه‌ ئازه‌ریه‌" " زمانمان ده‌بێت ره‌سمی بێت" ... کاتێک که‌ لاوانی کورد دوای ماوه‌یکی کورت تێکه‌لی خۆپیشاندانه‌که‌ بوون . دروشمی " کورد و ئازه‌ری برای یه‌کن" " زمانی ئێمه‌ ئازادیه‌" گۆترانه‌وه‌.
کاربه‌ده‌ستانی شار که‌ بینیان تا دێت ئاپۆره‌ی خه‌لکه‌که‌ زیاتر ده‌بێت و دروشمه‌کانیش توندوتیژتر ده‌وترێنه‌وه‌، وا خه‌ریکه‌ خۆپیشاندانه‌که‌ ده‌بێته‌ خۆپیشاندان به‌ دژی گشت سیاسه‌ته‌کانی رژیم ترسیان لێ نیشت و هێزێکی زۆری چه‌کداریان رژانده‌ ناو شار. هه‌ر له‌ گه‌ل ئابلۆقه‌درانی خۆپیشاندانه‌که‌ له‌ لایه‌ن هێزه‌کانی رژیمه‌وه‌ 3 هیلیکۆپتری جه‌نگیش هه‌ستان و به‌سه‌ر خۆپیشانده‌راندا که‌وتنه‌ مانۆردان و هه‌ولدان بۆ بلاوه‌ کردن به‌ خه‌لکه‌که‌.
له‌م ناوه‌دا خه‌لک که‌ بینییان چه‌کدارانی رژیم مه‌به‌ستیانه‌ به‌ هه‌ر جۆرێک بووه‌ کۆتایی به‌م خۆپیشاندانه‌ بێنن و ئابلۆقه‌ دراون ده‌ستیان کرد به‌ درۆشم دان دژی ئه‌حمه‌دی نژاد و "مرگ بر احمدی نژاد" بوو به‌ هاواری خه‌لکه‌که‌. هێزه‌کانی رژیم وه‌ک پیشه‌ی هه‌موو کاتێکیان و وه‌ک زمانی باوی خۆیان دره‌ندانه‌ هه‌لیانکۆتایه‌ سه‌ر خه‌لکی بیدیفاع و به‌ باتوم و دار بلاوه‌یان به‌ خه‌لک کرد. له‌م ناوه‌دا چه‌ندین که‌س له‌ خۆپیشانده‌ران هه‌م له‌ کورده‌کان و هه‌م له‌ ئازه‌ریه‌کان به‌ سه‌ختی بریندار بوون و به‌ ده‌یان که‌سیسیان لێ گیراوه‌و ره‌وانه‌ی شوێنگه‌لی نادیار کراون.
نه‌غه‌ده‌:هه‌راج کردنی زه‌وی و مڵک و مالی به‌رێزمۆسته‌فای هیجری‌، له‌ لایه‌ن رژیمه‌وه‌
هه‌ر له‌ گه‌ل هاتنه‌ سه‌ر کاری رژیمی ئیسلامی له‌ ئێران ملک و مالی زۆربه‌ی هه‌ره‌ زۆری تێکۆشه‌ران و خه‌باتگێرانی کورد له‌ کوردستان داگیر کرا. له‌ مه‌هاباد و بۆکان و ورمێ و سنه‌ ... به‌ ده‌یان و بگره‌ سه‌دان جار رژیم هه‌ولیداوه‌ داری هه‌راج له‌ زه‌وی و خانوی ئه‌و تیکۆشه‌رانه‌ بدات و به قیمه‌تێکی زۆر زۆر که‌م بیانفرۆشێت به‌ خه‌لک.
ئه‌وه‌ی جێ تێرامان و رێزه‌ هه‌لویستی نیشتیمان په‌روه‌رانه‌ی خه‌لکی کورده‌ که‌ به‌ درێژایی ئه‌م سالانه‌ ته‌نانه‌ت بۆ جارێکیش ئامده‌ نه‌بووگن ئه‌م زه‌ویانه‌ بکرنه‌وه‌ و هه‌مووکات له‌ گه‌ل ئه‌وه‌یشدا که‌ رژیم هه‌ولیداوه‌ پیان بفرۆشێت خۆیان له‌ کرینه‌وه‌ی مال و ملکی تێکۆشه‌ران و خه‌باتگێرانی وه‌لاته‌که‌یان پاراستووه‌.
هه‌ر ماوه‌یک پێش له‌ ئێستا ئیتلاعاتی بوکان هه‌ولی دا زه‌ویه‌کانی شه‌هید کاک سه‌ید سه‌لام عه‌زیزی بفرۆشێته‌وه‌، که‌ بینیمان که‌س پێشوازی له‌و کاره‌ی رژیم نه‌کرد. ئه‌مجاریش ئیتلاعاتی شاری نه‌غه‌ده‌ چه‌ند پارچه‌ زه‌وی که‌ مۆلکی به‌رێز مۆسته‌فا هیجرین هه‌رزانفرۆش ده‌کات. به‌ قه‌رار میترێک ته‌نیا به‌ 1400 تمه‌ن ، تاکو ئێستا هیچ که‌س له‌ کورد و ئازه‌یه‌کانی ره‌سه‌نی شار ئاماده‌ نه‌بووگن ئه‌و زه‌ویانه‌ بکرن. ده‌وترێت که‌ چه‌ند که‌سێکی ئازه‌ری ده‌یانه‌وێت ئه‌م زه‌ویانه‌ بکرنه‌وه‌، به‌لام به‌ خۆشیه‌وه‌ هه‌موو خه‌لکی نه‌غه‌ده‌ باش ده‌زانن که‌ ئه‌و که‌سانه‌ تاقمێکی ئاژاوه‌گێری سه‌ر به‌ رژیمن که‌ به‌ فیتی رژیم و ته‌نیا و ته‌نیا به‌ مه‌به‌ستی هه‌لخه‌له‌تاندنی هه‌ستی کورده‌کان هه‌ستاون به‌م کاره‌ و ته‌نیا ده‌یانه‌وێت ئاژاوه‌ له‌ به‌ینی کورد و ئازه‌ری دانیشتووی ئه‌م شاره‌دا بنێنه‌وه‌.

|+| نوشته شده توسط رێباز کوردستانی در و ساعت   

  RSS